Үздік педагог-2019

"Ұстазы жақсының-ұстамы жақсы" дейді халық. Жаңартылған білім мазмұны бойынша білім беріп, білімді, білікті,  табысты, жан-жақты тұлға тәрбиелеуде кәсіби білімі мен білігін арттырып,  заман талабына сай жұмыс істеп жатқан да-ұстаздар!  Красный Яр ауылындағы қара шаңырақ қазақ тілінде білім беретін # 3 көпсалалы орта мектеп-гимназиясында тағы бір қуанышты,  мағыналы іс-шара өткізіліп,  мұғалімдер мерейі үстем болды. "Үздік педагог-2019" байқауына мұғалімдер шығармашылық,  ізденіс,  жаңашыл дайындықпен келген. "Жақсыны- көрмекке" дегендей оқу-тәрбие үрдісіне еніп жатқан жаңалықтарды,  жаңа әдіс-тәсілдерді,  ақпараттық жаңалықтарды күнделікті кәсіби еңбектерінде қолдаып жүрген ұстаздар өз іс-тәжірибелерін ортаға салып,  көпшілік ықыласына бөленді. Бас жүлдені бастауыш сынып мұғалімі Г.Б.Абильмаженова, 1орынды орыс тілі мен әдебиеті пәні мұғалімі Ш.К.Шаймерденова,  2 орын тарих пәні мұғалімі Р.К.Шалгинбаева, 3 орын химия пәні мұғалімі Е.М.Альбекова жеңіп алса,  дене шынықтыру мұғалімі Т.Қ.Әбдікәрім "Көшбасшы ұстаз", ағылшын тілі мұғалімі Ш.А.Темирханова "Жаңашыл ұстаз", информатика пәні мұғалімі Н.Сейтхан "Шығармашыл ұстаз" аталымын жеңіп алды. Үздіксіз білім алу,  үздіксіз іздену- заман талабы болып отырған кезде ұстаздарымыздың заман ағысымен бірге аяқ алысы өте қуантарлық жайт. Ұстаздарға шығармашылық табыс,  денсаулық тілей отыра алар асуларыңыз биік болсын деген тілек білдіреміз!