Бейіндік оқыту –оқушы қызығушылығына сай саралай оқыту-тақырыбында гимназия сыныптарындағы факультатив апталығының жоспарына сай 22.02.19 ж күні 6 «Б» сынып оқушыларымен «Мағжан Жұмабаев атындағы облыстық кітапханаға » саяхат жасадық. Бізді Шамшырақ балалар коворкинг орталығының кітапханашысы Мамбетиярова Эльвира Сейфуллақызы қарсы алды. Оқушыларды алдымен мобильді кітапханамен таныстырып, болашақта аялдамаларға орнату жоспарда бар екенін айтты. Сонымен қатар Өнер саласындағы әдебиет залы, Мағжан бұрышы, Мерзімді басылымдар залы ,Рухани жаңғыру залы, шетел әдебиеті залдарымен таныстырып қысқаша түсінік берді. Әсіресе оқушыларға «Шамшырақ балалар коворкинг орталығы» залы қатты ұнады. Онда өздерін үйдегідей еркін сезініп, ғаламтор желісін тегін пайдалана алады екен. Тағы да бір балаларды қатты қызықтырып таңғалдырған нәрсе Мағжан ақынның қолданған машинкасы. Осылайша оқушылар қуанып үлкен әсер алып қайтты.