"Мен зерттеуге үйренемін"

Қалалық білім бөлімінің жоспарына сәйкес қала мектептерінің бастауыш сыныптарында бастауыш сынып апталығы өтті. Апталық барысында тәжірибелі ұстаздар іс -тәжірибе таратып, жас мамандар тәлім-тәрбие алатын көптеген мағыналы іс-шаралар ұйымдастырды. Соның бірі Ғылым күніне арналған "Мен зерттеуге үйренемін" атты 1-4 сынып оқушыларының ғылыми-зерттеу жұмыстары туралы сыныптан тыс іс-шара. Мақсаты:балаларды зерттеу жұмысына баулу, қызығушылықтарын арттыру, жаңадан ғылыми жұмыстар алған оқушылардың жұмыстарының тұсаукесерін жасау, қалалық, облыстық кезеңде жүлделі орын алған оқушылардың өз жұмыстарын жазу кезіндегі кездескен қызықты, қиын тұстары туралы пікір алмасты. Кеш соңында марапаттаулар жасалып, жиналғандар көңілді тарады. Бастауыш сынып оқушыларымен бірнеше жыл қатарынан зерттеу жұмыстарын жазып жүрген Л.У.Шарипова, Ж.Е.Жумабаева, А.А.Абилова, С.Т.Оспанова, Т.К.Нуртазиналарға шығармашылық табыстар тілейміз!