Тәуелсіздік күніне арналған «Тәуелсіздік-елімнің шамшырағы» атты мерекелік іс-шараның есебі

№3 Красный Яр көпсалалы орта мектеп-гимназиясында ел Тәуелсіздігінің 26 жылдық мерейтойына орай «Тәуелсіздік – елімнің шамшырағы» атты мерекелік іс-шара өтті.

Іс-шараның мақсаты: Оқушыларға арналған хандық дәуірден бастап қазақ халқының тәуелсіздік жолындағы ерлік күресі,еліміздің болашағы мен келер ұрпағы үшін жанын қиған азаматтардың көрген қиыншылықтары туралы мәлімет беру. Желтоқсан оқиғасының мағынасын түсіндіре отырып, туған халқын, ұлтын, жерін, Отанын сүюге тәрбиелеу.                                                                                

Мерекелік кешті мектеп директоры Шаймерденов Қанат Қиянбекұлы ашып, оқушыларға шараның мәнін, тәуелсіздік, бостандық, еркіндік ұғымдарының тарихи маңызын түсіндіріп өтті. Кеште ұрпағына жарқын болашақ тілеген ұлы бабаларымыздың, сонымен қатар, тәуелсіздікті жырға қосқан М.Шаханов, Қ.Сарин, А.Қалиев сынды елімізге белгілі ақын-жазушыларымыздың өлеңдері,Тәуелсіздік құрбандары болған Қайрат Рысқұлбековке, Ләззат Асановаға, Сәбира Мұхамеджановаға, Ербол Спатаевқа арналған арнаулар оқылып, «Қайсар қазақ», «Менің Қазақстаным», «Туған жер», «Тәуелсіз қазақтың қызымын», «Самға, Қазақ елі», «Бірлігіміз жарасқан» сынды тәуелсіз

Қазақстанды, туған ел мен туған жерді сүюге, қадірлей білуге үндейтін әсерлі әндер мен әр жалынды жасқа рух беретін патриоттық әндер шырқалды.