Ел рәміздері- менің мақтанышым!

                                 Ел рәміздері-менің мақтанышым!

   Білім мен тәрбие ұштасып жатқан алтын ұя мектептерінде білім алып жатқан біз, шәкірттер  еліміздің рәміздері жайлы толық мәнді мағлұмат білуіміз міндетті. Өйткені өз елінің рәміздерін құрметтемеген кісі , ол елін, жерін де сүйіп, құрметтемейді деп ойлаймын. Біз, жастар еліміздің болашағымыз, патриотымыз. Қай мереке болмасын әнұранмен басталып, әнұранмен аяқталу біздің мектеп үшін қалыптасып қалған қағида сынды. Ол дұрыс, өз еліміздің көк туына қарап тұрып, әнұран орындағанда бала болсам да менің бойымда «Бұл менің елім, менің жерім, мен оны мақтан тұтамын!» деген ой әрдайым келіп тұрады, мен оны айқайлап айтпасам да , жүрегім солай деп сайрап тұрады, өйткені мен осы елімнің бір бөлшегімін. Желбіреген көк аспандай ашық туымның нақ ортасында орналасқан шұғылалы күн, астында қалықтап ұшқан қыранға қарап – адалдық, тазалық, мейірімділік сынды қасиеттері бар қазағымды көз алдына алып келеді. Қазақтың шаңырағын ортаға келтіріп, жан –жағына тартылған уықтардың елімізде тұрып жатқан әр ұлт өкілдері арасындағы бірлік, татулықты көрсету, тарихтағы қазақтың арғымағы пырақтың өзі  ұл бала болсын, қыз бала болсын  бойына бір күш- жігер алады, бес құрлықтың барлығына ортақ бірлікті көрсетуден –ақ өзінің қонақжайлылығы, жан дүниесінің кеңдігін айқыштайтынын бала болсақ та біз жіті түсініп алдық. Ел рәміздері жайлы айтылған сайын  мерейіміз өсіп, мәртебеміз көтеріліп тұрады. Сан ғасырлар бойы осы тәуелсіздікті аңсап, еліміз, жеріміз үшін жанын пида етіп, осы күнді аңсап, көре алмай кеткен даналар, батырлар, ғалымдар, ақындар аруағына тағзым етеміз. Қаламның ұшымен, найзаның күшімен келген тәуелсіздіктің туын біз ешқашан төмен түсірмейміз. Еліміздің өсіп-өнуіне үлес қосып, еліміздің саналы азаматы боламыз деп ант беруден де шаршамаймыз.

Мақала иесі:Айтан Нарқыз